【2025年2月經安老院一站通轉介，入住葵涌區一私營護老院】
「爸爸本身冇長期病患，突然有日起身覺得個心翳住抖唔到氣，最後叫救護車入院，我哋驚佢番屋企跌親，加上佢有喉管好難照顧，就決定安排爸爸入住護老院」– 囡囡黃小姐
黃伯伯自2-3年前開始受胃氣脹影響，每天食慾不佳。數個月前更突然出現呼吸困難，家人連忙送他入院檢查，黃伯伯表示「醫生發現我個胃穿咗個窿，屬於急性，亦檢測到肝臟疑似有癌症，需要插喉排出膽汁同埋定期做療程。」黃小姐感歎「爸爸入院住咗3 個月都冇食嘢，瘦咗好多，得番80 磅，行路都唔夠力，我地驚一行開睇唔到爸爸佢會跌低。」
於是黃小姐開始為爸爸尋找護老院，但無從入手「嗰陣真係唔知邊間護老院合適，加上護老院交租都貴，好彩經醫務社工介紹下搵到「安老院一站通」，得個案主任陳姑娘幫助，令家人都安心。陳姑娘好細心，好有耐性幫我哋解決問題。」陳姑娘為黃伯伯配對了一間離家不遠的護老院，方便囡囡前來探望，入住後有姑娘幫忙換片沖涼，也有物理治療師幫忙做運動，令黃伯伯得到適切的照顧。
黃伯伯也提及「隻腳唔夠力行始終辛苦，行兩步都氣喘，不過姑娘都會推我出去大廳坐下，唔會成日訓喺到。」在護老院住了2 個月左右，黃伯伯慢慢適應當中生活，隨著各項政府資助陸續批出，亦能減輕黃小姐的財政壓力。
後記：黃伯伯分享年輕時喜歡練習空拳，臉上露出自豪的笑容。儘管身體的靈活性不如從前，筆者相信黃伯伯總能保持那份堅持不懈的精神對抗病魔。